SPASSVEREIN EINHORN
NEWS
hier findest du alle News zu den weltweit spassigsten Einhörnern
4. Generalversammlig, Curling und Fondue
D' Pflicht vonnere GV het au i demm Früehjahr gruefe, woruf sich 16 topmotivierti Einhörner Ändi März 2025 uf de Wäg uf Walliselle gmacht hend und di dötigi Curlinghalle unsicher gmacht hend.
Während bide GV und em Znacht no Seriosität vorgherrscht het, isches ufem IIs eher chaotisch zu und her gange. En Spass isches aber uf all Fäll gsii!
Dä Chlausmärt isch au im 2024 wieder top gsii!
01.12.2024
De SV Einhorn isch natürli au im 2024 wieder am bekannte Standort für d'Chundschaft und vor allem für es gmüetlichs Mitenand am Start gsii.
Ganz es herzlichs Dankeschöön für all wo mitghulfe hend oder uf e Suppe, e Currywurst oder en Glüehwii verbiiglueget hend!
2te und 3te GV (Mitgliederversammlung)
De SV Einhorn muess mal wieder sine Vereinspflichte naacho, darum stiegt die diesjährig Mitgliederversammlig am Fritig, 6.September im Leepünt in Dübi.
Dä dritti Sieg am Dorfturnier isch Tatsach
20.06.2024
Aller guten Dinge sind drei!
Nächsti Teilnahm, nächste Sieg. Miteme mal wieder ganz noi zämegstellte Team holt sich de SV Einhorn s' Tripple, schüsst de Turnier-Hattrick, gwünnt eifach scho wieder 🔥⚽🦄
Chlausmärt 2023
Glüehwii, Chürbissuppe und Crèpes - was will mer meh? 🔥🍷
Wänn? Samstig, 02.12 vo 13:00 bis 19:00
Wo? Ufem Platz vom Schuelhus Dorf in Dübi
So sehen Sieger:innen aus!
Zweiti Teilnahm Zweite Sieg
D helfti vom Choaching-Staff mit Pokal
So sehen Sieger:innen aus!
Dorfturniersieg zum 2te!
10.07.2023
Was für geile Scheiss!
Au bide zweite Teilnahm am Dorfturnier vom FC Volketswil hollt sich de SV Einhorn ide Mixed-Kategorie de Titel. 🔥⚽🦄
Imene Herzschlag-Halbfinal mit Penaltyschüsse und nacher au im Final setzed sich die kickende Einhörner gege starchi Konkurrenz dure. S'neue Tenue und de bombastischi Support vode Siitelinie hend offesichtlich beflüglet.
Chlausmärt-Erfolg uf ganzer Linie
05.12.2022
De SV Einhorn bedankt sich bi allne Mitglieder wo de Event zumene super Erfolg gmacht hend und natürlich au bi allne Gäst wo a oisem Stand verbiichoo sind und uf irgend e Art und Wiis zumene Namitag mit ganz vill Spass biitreit hend - ier sind alli super! 🦄❤️
05.12.2022
Instagram-Account
De SV Einhorn isch jetzt au uf Instagram aktiv.
Klick ufs Icon links und du chunsch uf oise Account. Unbedingt followe und au mal en Like liggelah!
03.12.2022
Chlausmärt 2022
Ändlich isches esowiiit. De Chlausmärt und dademit so öppe de wichtigst Jahresevent (nach de GV natürlich) vom SVE staht aa. Mier hend en Stand ufem Schuelhuusplatz Dorf und froied ois uf din Bsuech!
Es git Glüehwii gäg de Durscht und die allsiits bekannti und beliebti Chürbissuppe und die legendäri Currywurst gäg de Hunger 🔥🍷
Wänn? Samstig, 03.12 vo 13:00 bis 19:00
Wo? Ufem Platz vom Schuelhus Dorf in Dübi
TURNIERSIEG!!!
25.06.2022
Das Team des SVE holt sich beim Dorfturnier in Volketswil den ersten Titel der Vereinsgeschichte. In der Kategorie "Sie & Er" gewinnt der SVE fast sämtliche Spiele und darf zu später Stunde den Siegerpokal "in die Höhe" stemmen.
.jpeg)
